रावखौबो मुगैया बासिया
सालाइ फिलन फिलन अरा बुङो-
हो आंनि खुगायाव
सावफ्लेना हांगार खालामनि आं
बयबो फारखा नांदोँ दिनै
थास' बिलायाव जिउखौ लानानै
गावनि बारिखौ रैखा खालामनो
जाख्रिसे अखानि थाखाय आर'ज गाबदोँ
हे जोमै!
अखा हा हा- अखा दामब्रा
खाम-जोब-थारगोन नङाब्ला गासैबो
बारि बिथा घोनि गोरिबफोरनि
मोखां जाहाबना आज्लं आज्लं
सालाइ फिलन फिलन अरा बुङो-
ओइ मुरखफोर खारनानै बहा गनो
हो आंनि खुगायाव
बेखायनो रैखा मोन्नो
ज्रुम दैयाव माबार बारसोम
बारियाव सारना हो दै
This poem has not been translated into any other language yet.
I would like to translate this poem