लान्थ्रियै कुरुक्षेत्रनि फोथाराव
गिदिँ गिदिँ आं नुबाय-
हारि-हारिसानि गोथै सोलेरनि हाजो
दाहाल-थुंग्रि रौरोथोननि दाखोर
-
लंका सावनायनि उनावबो
बिखा मावदोँ आंहा
गिदोँ मुलुग दावहा एटमनि हब्रानायखौ
रिँबाय थायो दाबो खोमा खोमा
-
नै रबि! रबि ठाकुर
नोँ आंखौ मानो हमथा बावो
गावनि दारि दोँसेजोँ खाबथानानै
नंबा बांबा गाबज्रियो बेखायनो
नै सोरजिगिरि!
नै गिरि लांफै लांफै होन्नानै
-
आयनि गोरबोआव जेब्ला
आं सैथो मुगायावनोमोन
आयनि गोरबोनिफ्राय ओँखारबोना
त्रेतायाव आं गायखेर खावना जादोँमोन
-
आरोबाव- -
दिनै सफैबाय आं
दुंहाव दुंहाव दापर मुगायाव
गोसो जायो सोरबा अनजालिनि सि बोलानो
गिबाय आं आरोबाव फैगोन फैगोन खोलि मुगाया!
-
बिनिखायनो गसाइ!
अख्रांजोँल' होसिन नाङा आंखौ
थुब्ला बांग्रिँ जाना हाखरजोँ लां आंखौ- -
नाथाय अन्थाइ बिखा नोँ गसाइ!
This poem has not been translated into any other language yet.
I would like to translate this poem