सोर अनसायो दिनै Poem by Ronjoy Brahma

सोर अनसायो दिनै
आंगो होनना गावनिबादि-
गोरान जालांबाय मिथिँगा
रानज्रिँनो हमबाय दैमा-दैसाया,
नागिरनायसो जानोसै गावनो
हालाय-हाफाय मिथिँगायावनो
दुखु-दाहायाव, मिथिँगाखौ नागिरनाय।
खुवा खुनाय हाद्रियाव जिउआ
बिष गोरसावबाय सानसुआव
थिँ थिँ दुंना खामग्लिबाय।
हमथा आब्रा गावनि गोसोखौ
खावलायबायो मेथाया
बुरखायबायो दिनै खन्थाइया,
सुजुदो सुजुदो मैला गोरबोखौ
गावनि होनना गावनि साननानै
गोथार जिउ दाफुंनो-
साजायदो हाबाब नै आय', नै-
रुजु रुमु मिथिँगा रायजोआव
जेराव नङा गुबुन सोरगोबादि।