बेबादिनो खुसिजोँ
गावनि भावखौ लादोँमोन बियो
दिन्थिगासे दिन्थिना मिथिँगानो
सोमखोर मुलुगनि बेँखनाव
.
मोदोमनाय बिलाइनानै
सिनाय मोनै बिफांआव
बार गेवलां मिनिग्लांदोँमोन
फुंनि सोरांजोँ मोदोमनाय लानानै
.
आं नुयै बेबादिनो
फ्लां-फ्लिँ खालामफैदोँमोन
आजोला दाउसिन बेरे सिखिरि
फुंनि लांगोना लांगोना
.
फामे बिबारखौसो गोसो खांबाय आं
दाहासे दाहा हांमाखौ गोबानानै
अब्लाबो सोँनो गोसो जायो
.
सोर खानाय बिबारखौ?
.
बेखायनो-
दिनै बिखा बुनानै
बुंनो गोसो जाबाय आं-
''गासैबो समायनायानो सैथो नङा''
.
बेसेबा सैथोमोन
आं नुनाय मिनिनाया
जारौ बिनि गुसुथिनि
आरो बारग्लांनाय बेसेबा- -
This poem has not been translated into any other language yet.
I would like to translate this poem