बेयाव आं गसंदोँ Poem by Ronjoy Brahma

बेयाव आं गसंदोँ
जेराव साननि सोराङा गोग्लैदोँ,
आं नायहरदोँ खोमसि फारसे-
जेराव जेब्लाबो रंजानाय खोमसि खोमसि
आरो जेब्लाबो-
गाबनाय दाहा दिखाराव।
आं मुगैदोँ जाय खोमसिखौ
बेयो दाबो सोरां नाङाखै,
गोग्लैसोनाय उल्टा फैसालियाव
गेलेदोँ दाबो बैयाव-
दिनै आंनो गोनां जादोँ
गोजोँ आयना, गोगो आयना;
सोरां जोँमानि घोरोम अनसायनाय
रिफिनाय सारहरनो खोमसियाव।
फैगोन फैगोन बिसोरो-
थारैनो फैथारगोन
सोरांखौ, सोरांआव आंखौ नुहरब्ला।
फै फै मेथाइ रोजाबनानै
आं लेंहरो बिसोरखौ-
बेयाव आं गसंदोँ
जेराव साननि सोरां दं।