मिथिगौ बेसे उन्दै आं Poem by Ronjoy Brahma

मिथिगौ बेसे उन्दै आं
आंनि आथिँआ दाबो हाब्रुआव गब्रयो,
आंनि आखाया हाद्रियाव थाबथायो,
खोमसिया साग्लोबनाय मेगनाव
बुबथिँ जादोँ हाद्रिनि बाराव,
जेथो गोनां लाइमोन समा
सानबायो आं आगोर गोमा गोमा,
नारसिनथायनि लिरथाइया आंनि गोरोन्थि?
आंनि खाना बिजिरथि?
आं दाबो गिदिँफिन्नो हाया उल्टायै
आंनि गंगार गोसोआ फायखनो,
आंनि गुसु आखाया हमथुमनो हायाखै
खोल खोल जोँनाय सोरांनि थखनखौ,
नाथाय नागिरदोँ एरायलांनो-
मिथिगौ बेसे उन्दै आं।
आंनि आथिँआ मिजौ हाबनाय
गिदोँ आं नै इंसिनि गोथौ हाखरखौ,
आं दिनै गोरोन्थियै उन्दुआखै ने?
आरो थैनाय जागोन बेजोँनो?
आं गिदिँफिन्नो हायो-
आंनि गुसु आखायजोँ हमनानै थखन
लासै लासै सोरां लामाजोँ
जुदि आं अख्रां फारसे नायहरो।