Ronjoy Brahma

Gold Star - 35,428 Points (2 November 1995- / Amteka (Chirang) /Assam, India)

उदांनि बारआ माब्ला बारबोगोन - Poem by Ronjoy Brahma

बेसेबा गोसो जिउआ खामलांबाय
बहाबा मिजिँआ गोजावलांबाय बेसेबा,
सोर थिखोनो दैखर सिंनिफ्राइ उदांस्रि?
सोलो गोरोँआ दोहोननि हाजो थिखोबाय!
बारसोमबाय थैनायनि बिसआव मोनजारोङै
उल्थां-फाल्थां जाबाय बिदिन्थानि दोहौ,
सोर बोखांनो फाखन बिखानि दाङा?
खोमसि अराय मुगाया गादबजाग्रानि!
सानगोरलै बादि मिनि खैरोयै
माब्ला मिनिस्लु मिनिगोन जोनोम बिमाया?
हारिनि गोदै दैलो मेथाइआ
माब्ला रिँखांगोन दाउफ्रिनि गारांआव?
जुजियै जुजियै दावहारुनि बेगेँआ हा जाबाय
सान्दुंआ खामथारबाय जुम खामनायबादि,
मोसानाय मुसुरनाय गोबां गुस्लायबाय
सोर हमथागोन गावनि गोसोखौ?
बेसेबा फैलाव खन्थाइगिरिनि खबामाव
रोजाबगिरि बिग्रायारिनि मेथाइआव
उदांस्रिया गाबदोँ दैखर सिङाव,
साहारानि सान्दुंआव रोमै रोमै गोजानाव।
उदांनि बारआ माब्ला बारबोगोन?
जाख्रिसे अखा हानायजोँ रंजानायाव
उदांनि बारआ माब्ला बारबोगोन?
बे हालुरनि बयनिबो गेवलां मोखांआव।

Topic(s) of this poem: freedom


Comments about उदांनि बारआ माब्ला बारबोगोन by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Monday, March 30, 2015

Poem Edited: Sunday, March 12, 2017


[Report Error]