बबेनिफ्राइ बबेहाय थांगोन बुंनो हाया जोँ
आरो सिनायनोबो हाया नोँखौ,
रंजानायजोँ बाज्लखाङो जोँनि गोसोआ थेवबो
दसेनो नोँ फैबाय आरो थांबाय दौदिनिबादि,
ओँखारबोबाय मोसानानै सोनाब खनाजोँ
इनायनि सिमब्रे-सिमब्रा थांबाय सानजाजोँ।
समायना जाबाय बुहुम मिथिँगाया
इनायनो हायना सारफाव फैबाय गोदान मुस्रि,
खबाम लायै लायै रोजाबदोँसै खौऔ दाउआ
ओजोँ-हजोँ जेरैबो बैसागुनि रादाब,
लांगोना मोनफैथारबाय गोदान बोसोरा
आगान होफैनानै बेखौनो फोरमायदोँ नोङो
This poem has not been translated into any other language yet.
I would like to translate this poem