गोरबोनि मिजिँजोँ नुहरो Poem by Ronjoy Brahma

बेसेबा समायना गेवलां गेवथां
दैसा बारै जिउनि बारि
थांनो हाया दा आं
आंहादि दाबो गोहो गैया
थब्लना बारनो हांआ थोआ
सानस्रिना बारनो आंहा साहस गैया
बेसेबा रिमोनद्ला लोहाबनाय अन्थाइफ्रा
थखन थुना आं बोरै हानो?
नाथाय आंहा मिजिँ दं
बयनिबो गोजोँसिन गोफार
बारलांनो आं हागोन समा फैयोब्ला
आंनि गोहोआ फोरमान होयोब्ला
गेलेगोन जिउनि बिबार बारियाव
गोमो गोथां बिबारजोँ
सब खुदुमना आं गोबागोन
बिलिर बिलिर अननायखौ होगोन
दं बिनिनो आं अननाय फिसिना
बेसेबा गोथार गोसो साजायना।