पिरुस कान्तनो Poem by Ronjoy Brahma

बबे निजोरानि गोगो फुलुंआव
जिरिबोखो नोँनि रेबदैया आदा
लेवारबादि बाबथाबफ्लांबाय गोसोआदि
बेलावबादि आं गु गु लोँनो अहाया।
रेबगन दैबायना पर्टन-लंबुक्
एक्सरसाइस्-नेस्रर आंबो
खुसेरबायदोँ लेखा बिलाइयाव
नायगोमोबायो खोमा बेमा खांखमाफ्रा।
आंहा जिउआव खन्थाइनि खसार गैया
टिउसन-खसिन लानोबो हाया
गोदो आबौआ फोरोङोमोन
1. सराय' सराया होरसै दोरगै
आंनि गोसो थोनाया दाबो उन्दै
2. क ख माष्टारा हिनजाव मोनाख'
थ ट माष्टारनो हिनजाव
खावना लायनि ठ-
3. से नै थाम जागोन दे
सानै साथाम दा हमजा दे
आबैयाबो मेथाइ खनोमोन
- जे जलंगि जे जय
आफाखाना रंजादोँ
आं मावा दाङा मोनजादोँ
नाथाय आं मिनिफ्लाङोमोन
खुगा फुवारना हा-हा-हा।
खन्थाइखौ सोरजि आरो सोरजि आदा
खबामखौ रिँहोहर आंनिसिम
नोँनि रादाबजोँ आं सिरिमोनो जेरै।
बदनामखौ नेवसिनानै
खन्थाइगिरि जानि आंबो
नाथाय आंनि सानस्रियाव
आं अखा हादैनि दैस्लुंबादि
दै-बानानि गांगा थफा जेन'
बिखा ख्लाब मोनफ्लाङो
खन्थाइगिरिनि मोनसे बदनाम: बेसे गोथौ?
ठाकुर बान्था देरहासाद
ब्रजेन ब्रह्मनि।