खन्थाइखौनो लिरनो सान्नानै Poem by Ronjoy Brahma

हालेवनाय समाव आफाया
खेबसे सानखौ खुलुम हरना
नांगोल मुथिखौ खेबसे खुदुमो।
ओँखाम संनो लागा समाव
गुगुरुब आया बाथौखौ खुलुमो
बिनि उनाव......।
आंलाइ मानो बान्दा जाखोसै?
सानखौ खुलुमनो ना
साया होनो हायै बाथौ-सिजौखौ?
हालेवनाया आंनि थांखि नङा
सान सिजौनिबो बान्दा नङा,
इसोरखौनो लोगो हमनो......
इसोर होन्नाय दंमारो ने?
उल्टां-फाल्टां प्रमद बाबुनि
सोदोब खावना सोदोबबिहुंनि
गुरलां आदाया खन्थाइगिरि
खन्थाइखौनो लिरनो सान्नानै
खौखाब हमै हमै खबाम नागिरदोँ!
गोसो थोनायाबो खम बिनिया?
फनाव रिँफैयो गोदै...
थैबाबो नोँखौ बावा
थैबाबो नोँखौ बावा।