नुबाय आं अबंनि थिनहरनायाव
नैबे बुंनाय जेबो
माया मुलुग मिथिँगायाव।
दुखु-दाहा हाथास
नंखाय रंजाबाय दान्दिसे
सायना सालि महर साजायनाय
जेराव जेनिबो सायखं।
समायना-रमायना दान्दिसे
थमेन गेवलांना लह्रायफिन्नाय
बायदि रं बिरं बिबार;
बायदि गोसोम-गुफुर सुबुं सानस्रि
हाब्रु, हाद्रि, खावल' थाजिम।
रंजाबाय दान्दिसे नंखाय
गाबबाय बेसेबा थौमा ओँथि।
देहा सोमबाय, गोसो बावबाय
गोबां नुबाय जोबोद मेँबाय
दिनै आं आंगायबाय;
नाथाय दाबो आंनि आर'ज
दाबो खबजबो आखाय
मोदै दाबो गयो आंहा!
बार-हाब्रु, हाद्रिजोँ गेलेबाय आं।
दै-अखा सानस्रिजोँ दुगैबाय आं।
हर-खोमसियाव गिबाय आं।
रिउ रिउ गुवार लामायाव
मुलुग मिथिँगायाव थाबायबाय आं।
गेलेबाय-रंजाबाय-गोजोनबाय।
दा आंनि आर'ज जिउमानि
थैनाया आंनि जोबथा गोजोन्नाय।
This poem has not been translated into any other language yet.
I would like to translate this poem