जिउआ सावथुन जायोब्ला Poem by Ronjoy Brahma

जिउआ सावथुन जायोब्ला
आं दुखु गोनां फावथाइ।
आं रागा जोँफ्लांबायोब्ला
आंनि फावआ सासे बुहुत।
संसारा आं मासे सांग्रेमा
अनजालिनि अननाय नागिरबायग्रा
नाथाय जेब्लाबो खोमसि खोमसि।
मोकथांआव दुब्रि बिलाइ नंगौब्ला
अनजालिनि आगानखौ लामा नायग्रा।
साननि बिबायारि आं
हरनि सासे बद्रलक।
नाथाय जिउआ सावथुनसो
आं खालि गाबफ्लायोल'
रंजाफ्लायोल' खैखायै।
आंनो जिउखौ सालायदोँ
(सोरबा नैथि थानो हागौ,
बियो अबं गसाइ नामा?)
मोकथां आरो सिमांङावबो
आं मिथिगौ, मिथिगौ आं
सुखुआवनो दं दुखु
दुखुआवबो दं सुखु।
मानोना आं गाबदोँ दान्दिसे,
रंजाफादोँबो मोब्लिबगासे,
मिथिगौ बयबोथ' मुलुगावनो
सेक्सपेयेरनि आं- नोँ फावगिरि
बयबो खेबसे थांना थासान्दियावल'नो।