नै बेयाव नै बेयावनो Poem by Ronjoy Brahma

आं दा रमिअ' एण्ड जुलियेट् फरायाखै,
बाइबेल गीतानि बिलाइबो बोलायाखै,
आं दा गामि गेजेरनि
आबै- आबौखौ गोसो खाङाखै,
बलिउड्- हलिउड् सावथुनबो नायाखै,
कमल आदै (गेदेमा) या थानायमोनब्ला
मिँमांनि सल'खौनो खोनागौमोन,
नङाबा गावनो अमरनि मेथाइ रोजाबथिगौमोन,
आं गोसोखांब्ला खेखे मिनियो
मिनिनो गोसो जायो,
आबै जलंगिनि जिगाब बुन्थाखौ
(सानसेखालि आफाया गारहरब्ला
जोबोर गाबदोँमोन सिबाय अब्ला,
आफाया बुंदोँमोन-
कोवेल- पाष्ट कार्ड गुडनाइट् थानायाव
जिगाब बुन्थाखौ मानोबाव?)
आरो साल'ल' आबौ खहेखौ
आबौनि सेन फाइरिखौ
(सानसेखालि आबौआ
मोदैबादि गोगो दैयाव एम्बु बंग्लाबो फोनांदोँमोन) ।
नाथाय आं दा आलांगि खथायाव
हार्सिँङै गोमजोरैनो ना बोन्दोँ,
दाउब' गोराना खुगा थोरोबै
गेल गेल दैयाव एम्बु खनजानायबादि।
अनजालिया दा आंनि गोरबोआव गैया
नाथाय नागिरदोँ आं- -
रामायण महाभारतनि सल'खौ बावगारना
सिकन्डी कुरुकेत्रनि बेसेबा गोजानाव आं.....
हिमालय एभेरेष्टखौ बारना
दिल्लीनि कुतुबमिनार लाल्किलालखौ
माब्लाबानो बारना
मुलुग लैथोखौ खेबसे सानस्रिना
नै बेयाव नै बेयावनो
आंनि सिरि आलांगि खथायाव।