माबार राहा नागिर Poem by Ronjoy Brahma

खानस्रि ससमानि अनजिमा सेँबाय,
लेवार बेलावनि हारआ बांबाय,
दुब्लियाव आफाद जालिया,
गोगो दैसायावबो दुगै जालिया,
हाइब्रिद बिटामिनजोँ लटम लाठाम
बारियाव सुमफ्राम फिथाइ थायदोँ,
नाथाय मिनि मिनि दाउलुर दाउस्रिफोरा
जाल्ला बाब्राबनांदोँ।
सोर, सोर दायनिगिरिया?
सिबिँ गरसेखौ रान्ना जाग्रा
आबै आबौनि जोलैया बहा थांखो?
बाथ्राया सैथो नङा नामा-
दैमाया थैयो रेगा थालाङो होन्नाया?
सोर, सोर दायनिगिरिया?
खानस्रि ससमा बुथारना
लेवार बेलावनि जोनोम होग्राया?
नागिर दायनिगिरिया सोर-
बहा दं बामार नागिर-
सोर्गो-नोरोक-फाताल
बहा दं बियो? ?