Ronjoy Brahma

Gold Star - 35,633 Points (2 November 1995- / Amteka (Chirang) /Assam, India)

दाबारिनि हरनाय लाइजाम - Poem by Ronjoy Brahma

अखाफोरा बुरैबाय,
सानाबो बोरायबाय,
अलंबार जोहोलावआ बैसो जाबाय,
हाथर्खि सिख्लायाबो बैसोनि रेगा बोबाय,
नाथाय आदुंगारि जोमैया दाबो दं
थाल- खाल्थां अख्रां सायाव,
हेब्रे माब्रे मुगानि आगर एरना।
खन्थाइखौ आं लिरदोँ
लाइसि बुरलि बुरैयाव फोसावदोँ।
सम सम दाबो लाइजाम आंनिसिम
आदुंगारि सिख्लाफोरनि।
नाथाय बयनिख्रुइबो आजाव जाथाव
दाबारिनि हरनाय लाइजामा
' आदा लिरलां राजा बर'
नोँनि खन्थाइखौ फरायदोँ,
गय सावलेनायबादि मोदोमनाय,
ज्रोम सुनै खि दाउब'नि
फान गय देदेरेजोँ।
नाथाय आंनि रागायाव सार-अन्थाइ
अखाफोर बुरैया बुजायनो हालिया
बोराय सानाबो हमथानो हालिया
थेवबो बैसो जानाय सोनाबनि अलंबारा
आंखौ लाजि फोनांदोँ,
मानोना जोमैबादि आंलाइ
साल- माखु खुनो रोङा।
थेवबो खन्थाइगिरि आदा
नोँ मुगैयाबा आं राजि
मिँमांनि फोथाराव रायजो जानो
ग्रेँ ग्रेँ गथ' गथायजोँ
मोसौ बोरमा दाउ अमा
ग्रोन ग्रोन फिसिनानै
थुरि जिगाबनि आलांगि देरायाव
(अखाफोर बुरैया थैथारथोँसै,
बोराय साना थैबाबो अरजाथारला)
दोनसिरि सबनसिरिखौ साखि दोननानै।'

Topic(s) of this poem: poem


Comments about दाबारिनि हरनाय लाइजाम by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Saturday, August 29, 2015



[Report Error]