Ronjoy Brahma

Gold Star - 35,204 Points (2 November 1995- / Amteka (Chirang) /Assam, India)

आयनि खावलायाव - Poem by Ronjoy Brahma

मोदैजोँ खन्थाइ लिरो खन्थाइगिरिया
मेथाइ रोजाबगिरिया दाहाजोँ गारां बुब्राबो,
हागावजोँ दाजानाय हाजोबादि आयनि दाहायाव
लैथोमाबादि बोहैदोँ रं-बिरं फुंखा।
रामनि जिलिदजोँ थैनानै रायखसफोरा सोर्गोआव गाखोहैयो
नाथाय आंनि रंजानायावबो गैया आयनि मिनिनाय,
थेवबो अन्थाइ महरै दुद्रुबायो आं
आरो बिदिन्थाया खुसेरनो होसोबोयो।
आंनि जोनोमनि हांखोआ गोसोआव जिराया
गोसोखांनाय जाबाय बिबार आदबजोँ गेवलांनानै,
जेन'बा आं गावखौनो गाग्लोबनांगौ जाबाय
थोँगोरै गसंनो हाया जोबरोङै सानस्रिया।
थिखिनिनिफ्राइ सेरमायबोनाय गोरबो थालायाव
गोजाननि उनाव गोजानसिन खारबोबाय मिजिँ,
दाहाराव बोदोर आंदि गोजावलांनो
गंगा गदाबरी गोजोँ बोहैनाय बिखायाव।
मिथिगौ आं लामा-सामा प्रेटलनि दावरावखौ
मोजां मोन्नायनि खन्थाइ सोरबा लिरोब्ला
आं बिखौ सोलास्लिबगोन फैथोँ मोनाबिलिया।
फैदोँ मिथिगौ फैदोँ गोदान जौथाया
बियो फैमारोब्ला आंखौ सिथारनो
आं बिनि फारसे गुलि हगारगोन
आरो अख्रांखौ गुफुर दाउथुजोँ बुंफबहोगोन।

Topic(s) of this poem: children, freedom


Comments about आयनि खावलायाव by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Saturday, August 29, 2015

Poem Edited: Friday, May 12, 2017


[Report Error]