गोरबो इसिंनिफ्राइ -02 Poem by Ronjoy Brahma

नोंनि बोर सास्रिनायखौ
दिनै आं बोजबो अनसायो गशाइ
नोंनोथ' सासेल'
जाय आंनो होदों नैबे जिउखौ

बेसेबा खुसि आरो गाबनाय
मोनसे गोसो हमदांनो
नायनो थाखाय गोजों मेगन
नोंनोथ'होदों गोरबोखौ बुजिनो
नोंनोथ' होदों गोबां गुण गियान

नोंनि बोर सास्रिनायजोंनो
आं नाजागोन मुलुगखौ नायनो
हास्थायो गशाइ आंबो
नोंनि बुहुमाव
आगान दोनलांनो अराय मानसि जोनोमाव

गाब गोनां बे माया
संसारा गसाइ
सुबुंनि सोमोनांथाव सायना सालियाव
नों गासैनोबो बोर सास्रिहरनाय
रंजानाय दं गसाइ बेयाव

नों जोंनो सोरांखौ हर
नोंनि सोरांआवसो जों थाबायो
खोमसियाव जों गिनाय मोनो
खोमसियाव जों आन्दायनाङो

दिनै दैदेन लांनांगोन गशाइ
साया सायख्लुम सोरांनि लामाजों
जानगार होनांगोन नों गसाइ
नोंनि गोहो आरो अन्नायजों

बेमा सोंथेनाय गिथाव लामायाव
जों थारैनो नांथाया थारैनो
जों थाबथाया हाब्रुआव
हागोन जैरैबादि सौहैनो
बेसेबा गोजोन मिजिंआव

थांगोन नोंनि रायजोआव
मिनि रंजा आलो गोजोनै
दुखु दाहा नेवसिनानै दंनायमानि
20/10/2010