मैयानि मेथाइ ॥1 Poem by Ronjoy Brahma

सानगासे लामानि
अनजिमा गैयै फैसालियाव
आदा गाबख्रावनाय गोमाबाय
.
दा आयआ गाबो
बै जाथायखौ बोबोनानै
बावनो हाया
''हा फिसा हौवा'' होन्नानै-
.
दिखार गोनां मेथाइ
दिनैबो दाउ हुदुनि-
फारानि सैमाफोरा दाबो सोङो
साया माया बै समखौनो
.
सिबाय बाजै!
आयलि जायलि
खानाय बिलाइजोँ सान्ति होयो
बाथौ सिजौ गुदियाव
.
सिगांनि फागुणाव
थेवबो सिरिबाय
जिउनि मान्दार बिबार
.
फोथायहां फोथायाहां
हांमानि लैथो गेजेराव गसंनानै
दाबो नायहरो हिमालय हाजो आफांनि
सेर सेर मोकथांखोल हाजोखौ-