Ronjoy Brahma

Gold Star - 36,221 Points (2 November 1995- / Amteka (Chirang) /Assam, India)

गोरबो इसिँनिफ्राइ -107 - Poem by Ronjoy Brahma

फै आंनि गोरबोआव
होखार फै आन्दायनाय आंनि
नोँनि आखायजोँ बिलिर फै
खुदुमफै अननायजोँ दुंबुरै
-
नोँनो जेब्लाबो बेयाव आंनि
खोनासं आफा मादि बुंदोँ आंदि-
माखौ नागिरदोँ आं नोँनि
नेयै नेयै उन्दुयै खोमसियाव
नोँनो सोरां आंनि सानाव
आं खुसि आफा नोँदि आंजोँ
-
गावस्राया जेन'बा नोँनि बेरेखायै
नोँ आंनि गोरबोखौ साजाय
आंनि आन्दायनायखौ होखारहर
आंनि सिमांखौ गोथारै साजाय
आंनि खुला गोसोखौ
नोँल' आफा सामलाय गियानाव
-
आं नोँखौ गाबज्रियो जेब्लाबो
जेब्ला रुंसारो बे मुलुगनिफ्राय
बे आर'जआ जाफुंथोँ आफा
आं हांख्रायो नोँखौनो जेबो
-
गोग्लैबा हमथा गिरि आंखौ
आरो आंदि अनजालु फिसा नोँनि
बेयोदि नंखाय जाया फेलेँआव
बेनोथ' सोरजि नोँनि आफा
हो आंनो बिबान गोथार
मोजां हाबा नोँनि बोसोनै।
-
28/03/2015
गोजोनफुरि, लजिँ

Topic(s) of this poem: prayer


Comments about गोरबो इसिँनिफ्राइ -107 by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Saturday, March 28, 2015

Poem Edited: Saturday, November 7, 2015


[Report Error]