Ronjoy Brahma

Gold Star - 35,046 Points (2 November 1995- / Amteka (Chirang) /Assam, India)

गोरबो इसिँनिफ्राइ -111 - Poem by Ronjoy Brahma

जिउनि गेदेरथार हाबिलाया
जायाखिसै दाबो दोबैनाय
मोन्दांथिदोँ बिखायाव आंनो
जोबाखिसै आंनि दाख्रायनाय
-
जेब्ला आं जुरिबाय आर'जखौ
साजायना नोँनि मोखांआव
हर- सान जेबो गोरबोआव
मोदै दाबो बोहैबाय
-
मिथिगौदि आफा नोङो आंनि
जायाखै गेबेँ आंनि आर'जा?
जिउनि लामाया जेराव गेंबाय आंनि
होबाय आगान दर्खँआव
-
मिथिगौ गिरि नोङो बोलांगोन
लामा नायबाय नोँखौ बेवहाय
-
आंनि साजायनाया
आंनि होनाय आगाना
जानाय नङाथ' नंखाय-
नै आय' जिउ आफा
हर नोँनि रादाबखौ
अखा खोरोमनाय एबा
बार मोदोमाव गुसु बिलिरनाय
-
नोँनि सोरां जोँमा लामायाव
जेरै आं लामा सिनायो
आन्दायो बिफा मेगन
जेरैबादि खोमसि मुलुग साग्लोबो
-
मिथिगौ गशाइ जिउ आंनि
लामा सिनाया आंदि दाबो
हो बुङो बेनिनो आर'जआव
देलाइस्रि मिथिँगानि गुसु बार
-
जिउनि गेदेरथार हाबिलाया
जायाखिसै दाबो दोबैनाय
मोन्दांथिदोँ बिखायाव आंनो
जोबाखिसै आंनि दाख्रायनाय।
-
05/04/2015
गामियाव

Topic(s) of this poem: prayer


Comments about गोरबो इसिँनिफ्राइ -111 by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Sunday, April 5, 2015

Poem Edited: Saturday, November 7, 2015


[Report Error]