गोरबो इसिँनिफ्राइ -116 Poem by Ronjoy Brahma

गोदान बिलाइनि गोगो बारजोँ
सोमखोर बिफांनि गोगो सायाजोँ
गोजोन मोनो आंनि गोसोआ
-
बेसेबा सोगोमनायाव सार-अन्थाइ रिङो
गोगो गोजोँ अखा ओँखार बोयो
हाबाब लोगो नोङो आंनि
फैदो नोङो रंजालु बाराव
-
गुसु अखा गोजोन बार
सोमखोर मुलुग गोदान बोथोर
नै लोगो जिउनि राजा
नोँनोल' आंनि हो रंजानायखौ
-
मेसेँ थाङो दैज्लां फैयो
नोँनि दैबायनाय बुहुमा गिदिङो
नै गिरि जिउ नोँखौ खुलुमो
-
मेथाइ खनो खन्थाइ लिरो
मिनिसुलु रंजालु बिबार बारो
हाबाब सना गोजोन बारा बारो
-
बेसेबा सानस्रि जिउ मिजिँ
बेसेबा लामा मेगन मोखां
आय' नागिरो गियान नोँनि सोरांखौ
नै लोगो सथ'बो नोँनि आथिँआव
नोँनि अन्नाय मागियो
-
हाजो खर'नि दै बोहैयो
दैज्लां दुब्लि रंजाबोला
बिफां-लाइफां मोसाबोला
गोगो अखा जिरिबोयो
आय' गसाइ होदो आंनो मेगन
गोथार गोसो नोँखौ साबायखर बावनो।
-
05/05/2015
आयनि देरा।गामियाव