बेमार-आजार खैदां-खैफोद
जेनिबो जथाय आफोद आफोद
मोनबाय आं थार मोन्दांथि
सोरगोनिफ्राय नैबे नोरोकआव
-
आङो हिंसा थिवरिया
नायनो हाया गुबुनखौ
जिब-जुनाद एम्फौ-एनलाखौ
नायनो हाया जिउआरि रंजानायखौ
-
फाप जाबाय आंहा गसाइ!
हिंसा अगियान आखलजोँ
गावनो गावखौ दैदेन्नायाव
-
आंहा दुखु-दाहानि अनजिमा गैया
दाय-गोरोन्थि साजानि हिसाब गैलिया
गांनाय-उखैनायजोँ जारला आंहा
गांनाय-लुबैनायनि सिमा गैलिया
-
अन्नाय-मुगैनाय गिनाय आरो लाजिनाय
हाथास हाबिला गासैबो
गियान-अगियान दं आंनाव
-
हे गसाइ!
आं दावबायारि नोँनि थिनहरनायाव?
आंदि बिबायारि नोँनि होनायाव!
हे गसाइ!
मा माया गोनां सोरजि नोँनि?
जेराव गैयै नङा गासैबो दं
-
दिनै घोरोम गोबानानै
मैया सोरजि नोँनि हमदांनानै
बुजिबाय मिथिबाय मोन्दांबाय
गासैबो गोरोन्थि फाप हाबा
बुजिना आं बुगिनांबाय
-
हे गिरि!
आरोबाव नांलिया जिउआव
मिथिहोदो मिथिगिरि मुलुगनि
सोर्गोनि लामाखौ सोरांआव
नोँनि अन्दरसिम लामाखौ-
गुगुरुब खुलुमो आं नोँनि आथिँआव।
-
4/07/2015
आयनि देरा।गामियाव
This poem has not been translated into any other language yet.
I would like to translate this poem