गोरबो इसिँनिफ्राइ- 128 Poem by Ronjoy Brahma

अ' गसाइ गोबाफै गोबाफै
आंनि अख्रा गोरबोआव
आंनि नंखाय रागाखौ हमथाफै
-
नै गिरि बिलिरफै बिलिरफै
आंनि गुदुं खर'आव
बार जाना फै अखा जाना फै
-
ब्रह्म गियान नोँ लुफै
सानबोलावरि हाद्रि गोसोआव
ब्रह्म गोरबो लुफावफै
-
नोँखौ खुलुमो नै नोँखौ खुलुमो
हराव खोमसियाव सानाव फुंआव
नोँ फै नोँ फै आंनि जिउआव
-
आंनि मेगनाव मोसानानै
अखा जानानै बार जानानै
बांग्रिँ सार-अन्थाइ गावनानै
नोँ फै नोँ फै गिरि
आंनि गोसोआव गोथार सारफै।
-
17/08/2015
बांङाइगामि।लजिँआव