गोरबो इसिँनिफ्राइ- 129 Poem by Ronjoy Brahma

फैबाय फैबाय नोँ गसाइ
फैबाय नोङो दिनै बार जानानै
नोङो समायना मोसानानै
-
फैबाय फैबाय नोँ गिरि
फैबाय नोङो दिनै अखा जानानै
नोङो आंनि सोलेराव बिलिरनानै
-
नै- नै नोँखौ खुलुमो
नै जिउनि बिगोमा गिरि
फै मोखांआव फै गोरबोआव
फै सानाव फै हराव
नोँ फै नोँ फै अबं
आंनि गोरबोआव सोरां होनानै
-
दिनै नोँ अखा मोफ्लामनानै
नै गिरि सार-अन्थाइ रिंहोनानै
हे जिउ फोलावगिरि
आंनि हाद्रि गोसोखौ
आंनि अन्थाइ बिखाखौ
नोँ फै नोँ फै गसाइ
थाजिम गोरबो खालामनानै
अख्रा नंखाय गोसो बुथारनानै
-
फै आंनि गोरबोआव ब्रह्म गियान होनानै
फै आंनि सोलेराव जुब जुब अखा जानानै
नै बिफा नोँखौ खुलुमदोँ
नोँखौ गोरबोआव हास्थायदोँ
-
नोँ आंनि जिउआव फै
नोँ आंखौ गोबाफै
फै जोँमा सोरां जानानै
अनसुला गोरबो लानानै
-
नोँखौनो हांख्रायदोँ लोगो
फै दिनै बार सार-अन्थाइ रिँनानै
आंनि नंखायखौ फोजोबलांफै।
-
18/08/2015
बांङाइगामि।लजिँआव