गोरबो इसिँनिफ्राइ -14 Poem by Ronjoy Brahma

आं हास्थायनाय मोन्नांगौ
मोनसे सिमां फिथाइया
जाफुंगोन जेब्ला मोनफुंगोन
फैगोन जेब्ला गावनो
उदां जानानै
रंजागोन आं बै समाव
उदां गोसोजोँ
गाव दाफुंनाय सिमांनिफ्राय
मोकथां महर मोन्नायाव
-
मुलुगनि गेजेराव समायना
जोँखांनायजोँ
दिन्थिसारगोन गावनि
आखाय लिरनाय
दोननाय गावनि मुं हांखो
बोनाय
-
बेसे रंजागोन आं-
बेसेदि समायसारगोन
बयनिबो मिनिस्लुनाय आय'
नुजागोन बै समाव
गासिबो मिनिस्लुनाय आय'
रिँखांगोन गोदै देँखोआ
दावसिन दाउलानि
खोमायाव
-
समायना-रमायना
गेवलांहां थफिनाय
बारलांगोन आय'
गावनो मिनिबाला
सारि सारि हाजो थिला
होथेगोन गिथाव बाहुंखा
रंजानाय आंनि बै समाव
-
जाय रंजानाया फैयो
बारहुंखा महरजोँ
उन्दुहाबनाय जिउआ
फोजागोन आंनि
मिनिबाला
नोँनि समायना मिनिस्लुनाय आय'
आंनि गोरबोआ गोजोनगोन
बेसेदि रैसुमै।