मेसेबनायनिफ्राय बेरलाव नायना
रावबो गैयै मेगनाव
नोँखौ गोसो खाङो अब्ला
नोँनि फैनाय थाबायनाय गासैबो
रैसुमै मासुमै देँखो खोनासंना
-
गुसुआव दरजा खेँनानै
जोबोद खुसिनि लामाजोँ
रजे फैसालि बोलानानै
नोङो फैदो लोगो मुलुगनि स्टेजाव
-
मिनि गोजोन आंनि रंजानाय
लोगो नोँनि खुसिजोँ
सना जाहाब बिबार बारबोला
बयबो रंजागोन गोरबो गेवनानै
मुलुगा महर सोलायगोन
-
नोँ फैदो सना मोदै हुगारनानै
आंनि गोग्लैसोनाय सोलेरखौ
आंनि बे नोरजिया गोरबोखौ
दुंखां होनानै मावनांगौ हाबायाव
-
नै लोगो खाथि खाथि फै
आंनि मावनायाव नोङो नायफै
बयनिबो साबसिन खुसियै
आंनि हाबाया बारग'लांथोँ रंजानायजोँ
-
आंनि हांआव नोङो थायोब्ला
थांलाय-फैलाय गोसोनि गेजेराव
सना नोँखौ आं गोबायो
रजे नोँखौ आं खुदुमो
-
दिनै मुलुगनि गेजेराव
नोङो आंजोँ फै
बिरनाय नंखायनि गोसोआव
गिलिर आथिँखौ गासोमनानै
जेरै आंनि आगाना फेलेँ थाङा
-
रजे मिनिसुलु नोङो फैदो
आंनि सिगांआव मिनिनानै
बयनिबो जौसिन मासियाव ज'नानै
नोङो आंनि हाबाखौ होदो
बिनिनो आर'ज गसाइ आंनि
दिनै मैखि हुगारना मेगननि।
-
05/11/2015
बंङाइगामियाव
This poem has not been translated into any other language yet.
I would like to translate this poem