गोरबो इसिँनिफ्राइ- 143 Poem by Ronjoy Brahma

गोरबो इसिँनिफ्राइ- 143

Rating: 5.0

रोजाबनायखौ नागिरबायो आं
मिथिँगानि दाउनि गारांआव
मिनिनायखौ नागिरबायो आं
जिबि-जुनाद एम्फौनि गारांआव
-
आय' उदांआ बहा थायो
दाउनि देँखोआव गसाइ?
आय' दैज्लांआ बहा गोमायो
मोसौनि बिखुंआव गसाइ?
-
फुंनि आबिर मिथिँगानि
आलायारन साननि सोरांआव
आंबो मेथाइ रोजाबो गसाइ
मिनि गोजोन मिनिसुलु मिनिसुलु
-
सानसुनि सिरिया बारलांब्ला
सना बिदां मायनि दुब्लियाव
जारां साननि बुब्लियाव
गोसोयै गोथार खुसियै
-
गसाइ बोहैनायखौ नागिरो आं
गोजोँ दैसा-निजोरानि
गसाइ सुदेम गोजोन्नायखौ नागिरो आं
सोमखोर बिफां-लाइफांनि
-
आय' लोगो एरसोना बहा थायो
आंनि रंजानाय नंखाय समाव
सना लाजिखोमा बहा गोमायो
आंनि मिनिनायनि देँखोआव।
-
11/11/2015
गामियाव

गोरबो इसिँनिफ्राइ- 143
Wednesday, November 11, 2015
Topic(s) of this poem: lyric
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success