रजे नोँनि मिनिनायखौ गोबानानै
नोँनि खुदुमनायखौ नायगोमोयो
दिनै नोँनि महराव
आंदि गोजोनै मिनिस्लुयो
-
हाबाब गसाइ आं गासैखौबो नुयो
सोमखोर मिथिँगा बिनि
बिफां-लाइफां दैमा-दैसा
रोजाबनाय बिसोरनि गारां देँखो
-
नै गिरि आं गासैखौबो नुयो
सोमखोर अखोरां बिनि
दख्ला-दख्लि जोमैफोर
बिरनाय दाउसिन उदांङै
उदांङै रोजाबनाय मेथाइ खबाम
-
मिनिजि मिनिजि निहोरफोरा
रजे आंजोँ गेलेयो
बिफां-लाइफां दाउसिनफोरा
सना आंजोँ रायज्लायो
-
गसाइ नोँनि लामायाव
जिउनि गोजोन्नाया बेनो
बेवनो गसाइ बेवनो गोजोन्ना
दिनै नोँनि महराव
आंदि गोजोनै मिनिस्लुयो
-
जिउनि गिरि नोङो जिउनि
खोमसिया फैब्ला नोङो गोसोखौल' हो
लोगो नोँनि सोरांजोँ
आंनि आथिँखौ बोलां।
-
19/11/2015
गामियाव
This poem has not been translated into any other language yet.
I would like to translate this poem