गोरबो इसिँनिफ्राइ- 147 Poem by Ronjoy Brahma

गसाइ नोँनि जोबोद सोरांआनो
आंनि अरायनि गोरबोआव
अन्नायनि सिन बोलांबाय
-
नोँनि होनाय आंनो रादाया
आंनि गोरबो बिख्लोआव
दोलो दोलो थैसाम खायो
बेयो आंनि अनसुलि जिउनि
दिनै गोदै मोजां मोन्नाय
-
रजे थगायसुलि मिथिँगाया
आरो जंखायसुलि मुलुगा
मिथिगौ अब्ला रादाया नोँनि गोरबोआव
बेसेबा गोथौ नोँनि नोजोरा
-
रजे नोँनि एसेबां अन्नाय
दिनै आंनि गोसोआ बेनिखायनोथ' सिदोमा
बिफां-लाइफां दैमा-दैसा
दंनायमानि मुलुग मिथिँगाखौ
जिउ गोरबोजोँ मोजां मोनो
आंनि गोसोआ रानखांनाय नङा रजे
-
सना नोँनि मिनिनायखौ
आङो मोजां मोनो
बेनिखायनोथ' आंनि सुबुंथिनि सानस्रिया
माब्लाबाबो लह्रायनाय नङा।
-
19/11/2015
गामियाव