खोरखि खुलिना मिथिँगायाव
रंगिना मोकथांखोर बिफां-लाइफां
जाखां फैयो गोजाननि
समायना आंनि मेगनाव
-
आय' गसाइ बिरलाङो
फालो फालो दाउसिन दाउला
गसाइ बिरलाङो-बिरबोयो
आंनि मेगनाव गोसोआव
-
बे समायनाखौ नायनो हो
नै रजे नायनो हो
जैरैबा आन्दायनाय गोरबोआ मेगना
सुदेम बार गोजोन बारखौ लाबोयो
-
नोँनि समायनानि मिथिँगाखौ
गसाइ नायनो हो नोङो
दंनायमानि गोरबो गोसोनि गियानाव
गसाइ नोँनि समायनानि मिथिँगाखौ
-
नोँनि होनायखौ आंनो बोजबनो
रजे हो नोङो हो गोहोखौ
जैरैबा गोमा लाङा मिथिनाया
सैथो नुनाया मेगननिफ्राय
-
नै अबं गसाइ आं गाबज्रियो
नोँखौ अरायबो
गाबज्रियै गाबज्रियै मेंग्लिब्लाबो
नोँखौ आङो गाबज्रियो।
-
27/11/2015
बंङाइगाव
This poem has not been translated into any other language yet.
I would like to translate this poem