गोरबो इसिँनिफ्राइ- 156 Poem by Ronjoy Brahma

दाउफोरा सिरि सिरि बिरलाङो आय'
गसाइ अख्रां नांगा नांगा
रैसुमै खनै गां बुब्राबलाङो
गावसिनि देरायाव बिरलाङो बिसोर
-
गसाइ नोङो नायहरो
नायहरो नोङो
समायना गावनि मुलुगखौ
मुलुगनि दंनायमानि मिथिँगानि
-
नै आय' साना दोबैलांबाय
आय' दोबैलांनांगौ जानायाव
थानाय नंलिया सोरांङा आय' मेगनाव
खोमसि आरो गुसुआ नै बिरबोबाय
-
अखाफोरा लासै लासै फैयो
नै जोँमा नोँखौ खुलुमो
नोँखौ साबायखर होयो
रंजायो उन्दै उन्दै एम्फौफोरा
-
बे हराव बे गुसुआव
उन्दुलाङो गसाइ जिबिया
उन्दुलाङो मिथिँगासा दुगैयो निहोरजोँ
दाउसिनफोरा गोबालायो बाहायाव
-
नै आय' गुसुआव
आंनि सान्नायखौ हो मोजांखौ
गोगो गोफार मोन्दांथिखौ सायख'नो
गसाइ नैबे हराव आर'ज आंनि।
-
29/11/2015
बाङाइगामियाव