गोरबो इसिँनिफ्राइ- 157 Poem by Ronjoy Brahma

गोरबो इसिँनिफ्राइ- 157

Rating: 5.0

बे गोसोआव नांनाय मेंग्लिनायखौ
बोखार बोखार नोङो गसाइ
बे गोरबो बायग्लिनाय दाहाखौ
लुफावफै बयनिबो गोगोसिन निहोरजोँ
-
जिनिर नांनाय सिमांखौ
सावै सावै हाथफ्ला खालामफै
नोँनो गिरि गासैबोनि
गसाइ आंनि आर'ज खोमसियाव
नोँनि गासै गेजेन जानानै
-
मेगनाव जोँदोँ थुब्ला थुब्ला
गसाइ हिंसानि अरखिया
नोङो सुदेम गोरबोआव गोबाफै
लुस्रफै गिरि नोङो दै लानानै
-
बे जिउनि गोदोनाय दुखुखौ
आं दिनै बिजिरख'नो हालिया
गसाइ बे गोरबो बायग्लिनाय दाहाखौ
जिनिर नांनाय सिमांखौ
फोजाना होफैदो आबुं गियानाव
-
नोँनि दैदेन्नायाव गसाइ
नोँनिनो जैरैबा अनजाथाव जानानै
जुजिनो हायो नैबे दुखुजोँ
नोङो होखारफै गिरि दंमानिनो
बे गोरबोआव आंनि जिनिरखौ।
-
02/12/2015
बंङाइगामि

Tuesday, December 8, 2015
Topic(s) of this poem: prayer
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success