लासैनो नोङो थाखोमा हैयो
गावनि मिनिनायखौ दोनखोमायो
रजे दाउसिन दाउला गासैबो
सिरियै गंस्रियो मिथिँगायाबो
-
बारा सिरि सिरि
दैसाया मिनिस्लु मिनिस्लु गेलेयो
नाफोरा सिरि सिरि
सुदेम निहोराव बिफांआ गल' नायो
-
गसाइ खोमसियाव थाखोमायो नोँ
जिबिखौ आन्दाय होयो
आंनि नागिरो रजे बहा नोङो
गोरबोआव बिखायाव गोसोआव
-
फै सना जिउ आंनि नोङो
-
आर'जआव आंखौ नारसोम
रजे नोँखौ मोननो हानाय गियानाव
जैरैबा हराव उन्दुलाङो
दान्दिसे मोकथांनि थांनाय गेलेनायखौ
-
रजे आंनि जिउ सना
आं गोदो गोदो उन्दुलांब्ला
नोङो आंखौबो गोबा फै
जेरै आं सिरि मोनो थाबैनो
जारौ दखना गावदां फुंनि दरखंआव
-
नोँ फै बयखौबो रंजानानै
गियानाव बयखौबो फोजानानै
रजे बयबो आंगो नोँनि
फुंनि हाबा हो आंनोबो मुलुगनि।
-
02/12/2015
बंङाइगामियाव
This poem has not been translated into any other language yet.
I would like to translate this poem