Ronjoy Brahma

Gold Star - 35,252 Points (2 November 1995- / Amteka (Chirang) /Assam, India)

गोरबो इसिँनिफ्राइ- 159 - Poem by Ronjoy Brahma

नोँनि मिनिस्लुनाय होसोनानै
आं लामायाव थाबायो
रजे देलाय-मालाय देलायनानै
नोँनि अनजालु आं सोखो मोखो
सना आंनि मिनिनायखौबो नोङो होयो
-
गुसु सुदेम रोफै रोफै बार
दुंबुर नोँनि मिनिसुलु हां
रजे आं गोजोन आं खुसि
नैबे सोरां फुंनि लामायाव
-
नोँखौ खुलुमो आं
नोँबो आंखौ खुदुमो
नोङो बिलिरो खर'आव
आंनि गोरबोआव आंनि सोलेराव
-
रजे नोँनि सोरांआव नुयो
दाउसिना बिरलाङो बिरबोयो
खोलो खोलो बाराव खोनायो
रैसुमै गोदै गारां देँखो
समायना रमायना फुंनि मिथिँगायाव
नोँखौ गोरबोजोँ साबायखर होयो
-
बेयो नोँनि गासैबो रजे
हाजो-हायेन
बिफां-लाइफां मिथिँगानि
बे मुलुगा मुलुगनि गासैबो
नोँखौ मोजां मोनो आं
गोजोनै रंजायो नोँनि बिबार बारियाव
-
दिनै नोँनो साबायखर होयो
आंनि रंजानायखौ होबाय नोँ
रजे आंनि थाबायनायखौ
नोँखौ लोगो मोनबाय आं खुसियाव
-
होबाव नोङो समायनाखौ
फैगोन समावबो
नोँनि बिबार बारिखौ नायनो
होबाव गोरबोखौ नोँखौ मोजां मोननो
-
रजे नोँ जेरैबो फैयोब्लाबो
आं नोँखौ मोजां मोनो
बाराव फै दैयाव फै
अखायाव सानाव खोमसियाव फै
रजे आं नोँखौ मोजां मोनो
-
मिथिगौ मिथियो आंलाय
नोङो जेब्लाबो आंजोँनो थायो
थाबायथा आरोबाव रजे
नोङो जिउ जानानै था
आं नोँनि गोरबो जानानै थागोन
-
जेरैबो थाङा आं थाङोब्ला
नोँ आंजोँनो था
गाद्लिननो हायैबादि हमथा हमथा
रजे आं नोँखौ जिउ सानो
नोँ आंनि आं नोँनि
-
आंखौ लेँहर रजे गियानाव
सोरां थुंगे गैयै लामाजोँ
नोङो आंनि थाबायनायखौ हो
आंखौ फोरोँ आंखौ दैदेन।
-
03/12/2015
लजिँआव

Topic(s) of this poem: prayer


Comments about गोरबो इसिँनिफ्राइ- 159 by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Tuesday, December 8, 2015



[Report Error]