गोरबो इसिंनिफ्राइ- 161 Poem by Ronjoy Brahma

बे गुसुनि बोथोराव
अखाया खेबसे खुसियै रंजाबाय
नोंनिनो बे सुदेम अखायाव
बेलासिया लासैनो गोमालांबाय

नों गोबाफैयो लोगो
गुसु जानानै नों गोबाफैयो
आंखौ एदावनानै नैबेयाव
आंनि सोलेराव गले गले बिलिरनानै

हाद्रिया मेंग्लियो गोसोबादि रंजानानै
बे समाव बिफां-लाइफांआ रंजायो
बे समाव दाउसिन-दाउलाया रंजायो
हाद्रिया थाखोमायो नुयैयाव

खोमसि खोमसि आन्दोआव
लोगो नों आंजों थायो
बे खोमसि मिथिंगानि मुस्रियाव
नुहां नुहां नुयैयाव

बे खोमसियाव आं फरायो
फरायनो हानाय सोरांआव
नों आंजोंनो था लोगो आंनि लोगो जानानै
फरायना मिथिनायखौ हो गोरबो गोसोआव

आनजादआ फैयोब्ला खाथियाव
लोगो आनजादनो फिन्नाय होनो
नों आंखौ दिनै फोरों फै दे
लोगो सोरांजों आगान होनो आंनि आथिंखौ।

04/12/2015
लजिंआव। बङाइगाव