गोसोआव फैनाय
नोँनि जारौ महरखौ
हायाखै हमथानो समा थांबाय
फुंबिलि मोनाबिलि सान हर
-
सिमांआव गय जानाय महरै
लाजिसुलु फैबावो
गारबोनाय गामिनि देरा खायलाबाव
नोँ आंखौ लोगो हमफैयो
-
गोसो दांनाय दांनाय
गोरबोआव एब्रेलाङो
बारजोँ सोलेरखौ हुब्लिरनानै
गलाबनि मिनिनाय मोखांजोँ
-
थाद'नाय लामानि हावासियाव
साया-माया नोँ फैबावो
राव गैयै बबिनि महर
मेगन हुब्लिरबा नोँ गोमोरो
-
सोर नोँ सना-
आंनि थाबायनाय उन्दुनाय
आंनि जानाय गेलेनायाव
दान्दिसे मिनिसुलु मिनिनाय?
-
नोँ फै हांख्रायो आं
मोदै हुगारना फै जेब्ला
गाबनाय जायो आंनि
लाथिख'आव गिदिँनाय आङो
-
गोरबोआव गोबानाय
दसे मेगनाव नोँखौ नुनाय
आं हायाखै आखिनो नोँखौ
गोबाना लाबाय थानोबो हायाखै।
-
05/12/2015
लजिँआव।बंङाइगाव
This poem has not been translated into any other language yet.
I would like to translate this poem