गोरबो इसिँनिफ्राइ- 165 Poem by Ronjoy Brahma

नोँखौ मोनथारथोँ होन्नानै
नोँखौनो हास्थायदोँ रजे
नैबे मुलुगाव हान्थु खरायनानै
नोँखौनो दाख्राय दाख्राय गाबज्रिबायदोँ
-
रजे गोसो दं होन्नानैनो
नोँनो आं गोसोखौ होयो
लुबैनाया जिउआव थानायखायनो
नोँखौ आं मोन्नो लुबैथारो
-
हमनि अर सालायाव आहुति होनानै
नोँखौनो हास्थायो गोसो बावनानै
गोसोनि गोथार आर'जआवबो
नोँखौनो मोन्नो लुबैयो मेसेबनानैबो
-
रजे नोँ बहा थाखोमायो
सानाव हराव आंनि आन्दोआव
रमान्टिक आंनि गोरबोआ
नोँखौ मोनैयावनो अराय खंख्ला गाबनायाव
-
नोँखौनो गोसोखाङो जानायाव
नोँखौनो गोसोखाङो उन्दुनायाव
रजे नोँखौ गोसोखाङो दुखुआवनो
सना नोँखौ मेगनजोँ मोनैयावनो
आंनि मोदैया बान्दो सिफायो
-
दिनै नोँ बहा थायो सना
रजे बबेनिफ्राय रोजाबहरो
आं खोनायो रोमै रोमै बाराव
सानाव आं साया माया नुयो नोँखौ
रजे हास्थायो नोँखौ हास्थायथारो
जिउ थानायखायनो नोँखौ जिउ सानथारो।
-
14/12/2015
लामायाव