गोरबो इसिँनिफ्राइ- 166 Poem by Ronjoy Brahma

फरायनो हायै खोमसियाव
नुनाय बे सोलेरखौ दाजाबनानै
दिनै लुखुर लुखुर खारनानै
नोँनि आथिँआवनो सौथुदोँ गसाइ
-
नोँखौ नागारना दुगायै थिफुनायाव
गावनि खर'खौनो थिखोदोँमोन
बे दुगानाया हाद्रिखौ सुफुंनो हायै
मिथिबाय गसाइ नोँनि नाख्लायनायाव
-
खर'खौ रुजुनलिया आरो देरगानानै
अबं बिरनाय गोसोजोँ थाफालिया
हाद्रियाव गेलेनाया आंनि गोरबोआ
सुस्रदो नोङो मोदैजोँ आंनि
-
बे रंजानाया जैरैबा थाया फोलानानै
हाद्रि नांनाय गेलेनायाव
गसाइ नोङो निहोर जाना गासोदो
जेरैबो आंदि नोँनि देरगा नङा
-
गेलेनाय खारनायाव नोँखौ बावनाया
इनाय जाथारबाय जैरैबा देरहानाया
बे देरहानाया जेरै मोकथां नङा
आंखौ दैदेनदो गिरि गोदानै
-
नोँनि गोरबोआव गोबानानै
जेरै नोँनि देँखोखौ खोनायो
दाउसिन-दाउलानि सैथो रोजाबनायाव
जैरैबा थांना थानायखौ बुजियो।
-
14/12/2015
गामियाव