गोरबो इसिँनिफ्राइ- 167 Poem by Ronjoy Brahma

हरखौ लाबोनानै नोङो फैबाय
बे समाव नोङो खारबोनानै
गुसु जाना आंखौ गोबानानै
नोङो आंखौ लोगो खालामबाय
-
लाजिनाय गिनाया थालिया आंनि
नोङो गावनि खालामनाय जाब्ला
फैदो गोरबोआव खुसियैनो
जेब्ला गोबायो आंबो नोँखौ
-
जिउ जिबिनि उन्दुनायखौ होनानै
आंबो जेरै उन्दुनो हायो
नोङो हां जानानै थादो आंनि
जेरै आं दान्दिसे मेसेबना थायो
-
नोँनि अन्नायखौ गोबानानै
मिथिँगाया थांनानै थायो बारजोँ
जेरै आंनि हांआ बिसोरखौ अनसायो
बे दुगानाया नोँनिनो जाथोँ
-
लोगो नोँ आंजोँनो थायो
मुलुगनि सावगारि बोनानै
गोजोन होयो नोङो मेगन बोलानानै
गोहोल' मोन्थोँ आं नोँखौ बाखोनायनो
-
आंनि सिरिमोन्नायखौ होनानै
सान जाना फै नोङो
आंनि उन्दुनाय फोजानानै
हाबाखौ हो सोरां जानानै।
-
14/12/2015
आयनि देरायाव