गावनि मेगनखौ जोख्लोबनानै
मेसेबबाय नोङो लोगो मेगनखौ
थाखोमाबाय फैसालियाव मिनिनानै
खोमसि खोमसि नुयैयाव मुलुगखौ
-
थेवबो आंनि मेंग्लिनायाव फै
रोजाब रोजाब खोमाजोँ खोनायैयाव
लोगो आंनि सिरि मोनैखौ होनानै
गोरबोजोँ खोनायो जैरैबा मेथाइखौ
-
बे खोमसियाव गोग्लैनाया गोग्लैबाय
गसाइ मिनिनाय गैयै गुसुआव
नोङो बेखौनो खालामबाय आंगो
मेसेबनाया मेसेबबाय बिसोरो
-
जैरैबा बोहैदोँ सानस्रियाव
लोगो गोजाव गोजाव बेवहायनो आङो
हो आंनि बेवहायनो मेँनायखौ
जैरैबा उन्दुलांनो हायो गोजोनै
-
गुसु हरजोँ बोहैदोँ नै बार
रोजाबदोँ नुयै खोमसियाव मेथाइ
सिरि सिरि बिफां-लाइफांआव निहोर
-
लोगो थांनाय सानखौ लांबाय नोङो
खोमसिजोँ सोलायनानै फैनायखौ
होबाय नोङो उन्दुनो ओँखारनायखौ
लोगो मिथिगौ नोङो मिथिगौ
-
बे हराव बोहैदोँ दैसाया
अन्थाइ बिलिर बिलिर
रैसुमै रोफै रोफै गोजामबोदोँ
बारजोँ मेथाइ बोहैबोदोँ
सुदेम रजे गोरबोआ खोनायो
-
थांनायखौ थांनो होदो दिनैनि
गसाइ फैनायखौ फैनो होदो
जैरैबा जुजिनो हायो गियानखौ
बेखौल' होदो आंनि हमदांनाय दिनै।
-
26/12/2015
जिकेबिए, आमटेका
This poem has not been translated into any other language yet.
I would like to translate this poem