गोरबो इसिँनिफ्राइ- 175 Poem by Ronjoy Brahma

गोरबो इसिँनिफ्राइ- 175

Rating: 5.0

आंनि गुदुं सोलेराव
बिलिरलां नोङो बार
सुदेम अननायखौ होलां
गोरबोआव गोजोन लुफावलां
.
नोँल' गोजोन होयो गोसोखौ
सुदेम गुसु बिलिरनायजोँ
आंनि गोरबो बिखाखौ
नोङो सुग्लाय होयो दुंहाव सोलेरखौ
.
फुंआव नोँ मोसायो
रैरुब निहोर बिलाइजोँ
मिथिँगानि समायना-
गोथां सोमखोर बिफां बेन्दोँ
.
नोङो बिलिरलांफै खर'खौ
अननायखौ होनानै आंनो-
थाजिम होलां आंनो-
गोरबोनि खुसिखौ होनानै
.
बार नोङो आंनि हां
नोँनिनो मोजां मोन्नायजोँ
हगारो आं मेथाइ-
हगारो आं देँखो-
.
बेसे गोजोन मोनो
बिलिर फैयोबोला गोसोआ
नोँ आंनि सोलेर गोबाफैयोबोला
बेसेबा समायना जायो गोरबोआ
.
दैमा-दैसा बेसेबांदि बाज्लयो
नोँनि अननायनि खुदुमनायजोँ
बेसेबा समायना नुयो-
बिफां-लाइफांनि देमलो मोसानायजोँ
नोँ बेबादिनो लाबो खुसिखौ।
-
11/02/2016

Thursday, February 11, 2016
Topic(s) of this poem: prayer
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success