गोरबो इसिँनिफ्राइ- 176 Poem by Ronjoy Brahma

बयबो रंजानायनि गेजेराव
आं रंजागोन-
दुखुखौ दोनगोन आं
नुयै बबेबा आन्दो खनायाव
-
संसार मानसिनि गेजेराव
बिखासे बिखा अननाय लानानै
अननायखौ होगोन आं-
थांना थानायनि रायजोआव
-
जुब जुब अखा फैथोँ
बै समा फैयोब्ला
रंजासुला मिथिँगानि रायजोआव
बयबो रंजानाय जायोब्ला
-
जिउ बारग्लांनाय रैरुब
मुलुगनि रंगिना बिबार बारियाव
देलाइनाय जाथोँ मिथिँगानि
गोथां बाथ' गां दखनाजोँ
-
गोजोँ मिनिनाय निजोरानि
अखोरांसे गुवार अननाय
जाथोँ खुदुमनाय सिदोब सिदोब
गेवलांनाय गोदान बोसोर
-
समायना सिखिरिनि बिरबायनाय
जायोबोला मोदोमनाय बिबारनि
हालि हालि बारग्लांनाय बिनि-
-
मेथाइ रोजाबथोँ दाउसिन
बिफां-लाइफांनि मोसानाय
बेजों गोजोन बारा थाबायबोथोँ
औवा बिजौआ सिफुं दामनानै
-
दैमा-दैसा बोहैनायजोँ
दाउबोथोँ हालि हालि ना
बेजों फैथोँ गोदान बोसोर-
बिफां-बेन्दोँनि रोदोमनायजोँ।
-
11/02/2016