गोरबो इसिँनिफ्राइ- 177 Poem by Ronjoy Brahma

रंजाखाङो खुसिजोँ
जोबोद गोजोनग्लायना
समायना सुदेम सुदेम गोरबोआ
नोँनि मिनिसुलु सोरांजोँ
-
बे सोरांजोँ बार बारबोयो
बे बारजोँनो-
दालाइ बिलाइफोरा मोसायो
बेसेबा रंगिना संगिना बिबारि
-
बेसे समायना नुयो
गोथार गोसोनि खुसिजोँ
गोरबो गोजोन्नाय मिनिनायजोँ
गोगो गोजोँ आलायारन
रैरुब फुंबिलि सनाबिलि
-
जोँमा नोँखौ खुलुमो आं
नोँनि अननायनि फिन होना
जोबोद मान होनायजोँ
जोँमा आंदि बोर आजावो
-
बेबादिनो नोङो फै
बयनोबो गोथार बिलिरनायजोँ
बयनिबो गोरबोखौ सोरां होनानै
दाउसिन दाउला सिरि मोनना
-
बेसे रंगिना मिथिँगाया
मिथिँगानि गासै खुसिजोँ
बेसे समायना बुहुमा
दुंबुर गोरबो दुंखाङो निजोरा
-
फुरसब जोमै अखोरांआव
हाथर्खिखौ नुयै फांथेब्ला
बेसे समायना नुयो
फैलाव सोमखोर अखोरांआ
-
गोजोन मोनो बुहुमनि गासैबो
रंजाखाङो बाज्लखाङो
बेसेदि समायखाङो गोसोआ
-
खुसि जायो आं गेवलां मिथिँगानि
मिनिखैरो मिनिनायाव।
-
13/02/2016