गोरबो इसिँनिफ्राइ- 178 Poem by Ronjoy Brahma

फै आंगो आंजोँ लोगोसे
दं थांनानै नोँनि थाखायनो
आं उदां नै गिरि
नोँनि मिनिनाय रंजा होनायजोँ
-
नोँखौ आरो हास्थायो
जिउनि फैसालि गोग्लैनायसिम
मोजां मोन्नायानोथ' जिउ
आरो मा फोलानो गिरि?
-
जेब्लाबो नोँनि आं
आंनि थाखायनो आरो नोँ
गिरि नोँ आंखौ नायहर
आं नोँखौ नायहरगोन
-
साजायो गोरबो जोनोमनि थाखाय
जेसे हायो एसेनो
आं आंनि मेलेमखौ उनो
गिरि मुलुगखौ नायनो थाखाय
-
बिफां-लाइफां आरो गोबां
जिबि-मि दाउसिन दाउलाजोँ
बिसोरनो आंनि लोगो
दैमा-दैसा रंजासुलि गोरबोनि
-
हा-दै-अर-बार अख्रां
बिसोर नायहरो आंखौ
बिसोर आंखौ मुगैनाय नङा
बिसोर बेबादिनो थाबायथोँ
-
गिरि नोँ मिथिगौ
नोँ मिथिगौ जिउ आंनि
मिथिँगानि थाखाय आंनि जोनोम
मुलुगनि थाखायनो गोरबो आंनि।
-
15/02/2016