आयै नोँनि आंनि 180- Poem by Ronjoy Brahma

180.
आंनि लोगो जेब्लाबो आयै
बिबार हाजो नोँ आयै
आं गाबनो मोजां मोनो
गोथार गोरबोजोँ मिनियो
181.
अनसुलि बिमा आयै
बेसे समायना गोसो नोँनि-
मिनिसुलु गावदां अखाफोर
फुंनि सोरां सान गोरलै
182.
जोँथि सना फिथर
मैला गैया नोँनि अन्नाया आयै-
बेस्रां मेगन नोँनि दिन्थानाय लामा
जोँथि माथि आसिया हार्थखि
गलाब बिबार मोदोमफ्रु खुदुमनाय
183.
अनसुलि बिमा आयै
नोँ होबाय आंनो सोरां
आयै बहा मिनिनाय खुसिया-
गोमा लाङा आयै जिउआव
184.
आयै नोँनो सानफोरखौ सुस्रांबाय
गोमो गोथां बायदि जायख्लं
सल'बाथा गोदै सिमां-
आंनि मोदैयाव बिलिर बिलिर
185.
साबायखर होयो नोँनि अनसायनायखौ
मोदैनि हिरा बिलिर दानायखौ
आं मिथिबाय आयै दिनै
मादि मिजिँ दं नोँहा आंनि
186.
नोँनि मोजां मोन्नायखौ
बिजिरख'नो हाया आयै
बियो लैथो बादि गोथौ
गोगो हाजोनि निजोरा बादि
187.
नोँनि थुलुंगाखौ नेवसि हाया आयै
आरो हाया बावनो अन्नाय-
बेयो समायना निजोरा
बहा मोन्नो आरो नागिरना आं?
188.
बुहुमा आंखौ गावनि बिखायाव
नोँनि उदैयाव आं गेलेदोँ-
समायना आयै नोँनि गोसोआ
गोथार गोजोँ जिउआ नोँनि
189.
आयै नोँनि गोदै रावआ
रिङो रिँदोँ रिँगोन-
नांगौ आंनो जेब्लाबो दिनैबो
आयै आंनि मिथिँगा अनसुलि
190.
नोँ एसेबां अनसुलि आयै
उन्दैनिफ्राय अनबाय आंखौ दाबो
आं गाबबाय रंजाबाय दिनैबो
नोँ फोरोँबाय थाबायनो आरो
रायज्लायनो सोलोँनो
191.
बेनो आंहा मोनसे बिखा
नोँखौ अनसायनो बिमा
बुजिगौ नोँनि मोदैखौ
मिथिगौ अन्नायखौ नोँनि गासै-