गोरबो इसिँनिफ्राइ- 183 Poem by Ronjoy Brahma

आं जेसेबां हास्थायो
मेगन मोदै आंहा एसेबांनो
दुखुआ फैयोब्ला
मोननो हाबिला सिमाया गुवार जायो
-
नै गसाइ! जिउनि गिरि
गोमोरलांगोन आंनि मोदैया
थरथिँ थरथिँ नोँनि आथिँआव
गोमोरलांगोन आंनि लुबैनाया
-
फैगोन नोँ आंनि थाबायनायाव
फैगोन नोँ आंनि गेलेनायाव
आं थांगासिनो नोँनि रायजोआव
बेसेबा खुसि आं गिरि
-
आं थांगासिनो दं मिजिँआव
आंखौ नाथ्रोदहर गसाइ
बार जानानै खुसियाव
अखा जानानै खुसियाव
-
आंनि गाबनायाव नोँनो रजे
आंनि उन्दुनायाव फै नोङो
नोँनो गसाइ आंनि जानायाव
दौना हो आंनि उखैनायाव
-
बेबादिनो मिथिगौ मुलुगखौ
गसाइ मिथिगौ जोनोमखौ
थांना थानो हो बयखौबो
जिउनि थांना थानांगौ जानायाव।
-
28/02/2016