गोरबो इसिँनिफ्राइ- 184 Poem by Ronjoy Brahma

गोरबोजोँ रोजाबनाय मेथाइआ
नोँखौ बरायनानैनो-
नोँखौ मोजां मोननानै
बेयाव लाजिनायखौ लाया आंदि
-
देँखो बोना फै बेबादिनो
बोनाय फुं फैसालिजोँ
बिलिरै बिलिरै मुलुगखौ
बेबादिनो बयखौबो नायनानै
-
रोजाबनाया बारायलाङो आंनि
मुलुग साग्लोबनो-
बेसेबा खुलुमनायजोँ
सोरांखौ हास्थायो गसाइ
-
मा बुजिनाय एब्रेयो
फोजाफै आर'ज बिनि
थिखांदो गिरि गोरबोखौ
गोग्लैया जेरै सान्नाया
-
मोदान फबनाय नोँ गिरि
खोमसिखौ नाथ्रोद हरबाय
थादो आंनि गोरबोआव
लोगो थादो नोङो आंजोँ
-
मेगनखौ जेरै फिदिँनो हायो
बयखौबो नायनो खुसिजोँ
नै गसाइ होदो बेखौनो
गियान बोहैना आंनि।
-
28/02/2016