गोरबो इसिँनिफ्राइ- 186 Poem by Ronjoy Brahma

आंनि बे गाबनाय मिनिनायखौ
होबाय नोँ गासै गसाइ
लाबाय आंदि होनायमानि
-
दिनै बे गाबनाया बारा जायो
थाया आरोबाव फेलेँआ-
गसाइ जोथ्रोद आं थगायनायखौ
सैथोखौ गसाइ होनो आंनो
-
गसाइ नोँनि बे समायनायाव
थानो हायो जेरै सैथोजोँ
होदो नोँनि अननाय आंनो
गसाइ होदो सोरांखौ नोँनि
-
बारआव गोजोन मिथिँगायाव
नैबे हाद्रि गुदुं बुहुमआव
आय' गसाइ नोँ गिरि जिउनि
हो आगान नोँनि सैथोजोँ
-
जेरै थांनायाव थांनो हायो
सोरां थांनांगौ जानाय लामायाव
हो गसाइ बयनिबो गोरबोखौ
थांना थानाय दंनाय मुलुगनि।
-
02/03/2016
गामियाव