गोरबो इसिँनिफ्राइ- 191 Poem by Ronjoy Brahma

बेबादि गाबनायखौ आंनो हो
जेरै नंखाय मिनिनायखौ हास्थाया
मिथिगौ मिथिगिरि जिउनि
होदो बेबादि गाबनायखौ
-
जेरै बुजिनो हायो गोरबोआ
मानो फैयो दुखुआ
बेबादि जिउखौ होदो
गसाइ जेरै हिंसा होन्नाय थाया
-
मिनिनाय गैयै हार्सिँङै
जेरै बुजिनो हायो बेखौ
अनजालु गंग्लायो आंदि
होदो आंनि खाफालाव
-
बावनानै थांनो हाया जेराव
नोँखौ लोगोआव लानानै
लोगो आंजोँनो अरायबो थादो
अनजालि जानानै जिउ आंनि
-
नोँनि मेथाइखौ जेरै बुजियो
खोनाहोदो गसाइ खोमायाव
बिलिर नै अनजालि जानानै
गोथार आंनि गोरबोआव
-
हे जिउ आंनि गिरि
बयनिबो जेराव जिउमा नोङो
आंगो खालामना लानो हायो
होदो बेबादि गियानखौ
-
थानो हायै मुगैनाय गोसोआव
होदो बेबादि सोरांखौ
गसाइ होदो थाबायनायखौ
जेरै जेन्नाय जाया दुखुआव
-
नै गिरि जोनोमनि
होदो सोरांखौ मुलुगाव
जेरै घोरोम जायो अनलायनाय
होदो गसाइ बे घियानखौ।
-
26/03/2016
गामियाव